யாழிக்கு கவிதைகள்

நீ சிரிக்கும் போதெல்லாம்

முத்தமிட்டு என்னை

நிரப்பிட முடியாது என

என்னை ஏளனம் செய்கிறது

உன் கன்னக்குழி.

இன்னொரு வாய்ப்பு தாயேன்

இம்முறையாவது நிரப்பிட முயற்சிக்கிறேன்.

விழித்து பார்த்துவிட்டு

இழுத்தி போர்த்திகொண்டு உறங்கும்

புலர்ந்த காலைப் பொழுதின் உறக்கம் போல்

இன்னும் கொஞ்சம் நீள வேண்டும்

உன்னை அணைத்திருக்கும் இந்த நொடிகள்.

என் தலையணையை

பலமுறை தாக்குகிறேன்

ஒருமுறையாவது

உன் மடியில் படுத்த சுகத்தை தா என்று

பலனே இல்லை.