புதைந்த ரகசியங்கள்

ஜன்னல் கம்பிகளின்

வழியே வெறித்திருக்கும்

அவளின் விழிகளில்

ஏதோ ஒன்று புதைந்திருக்கும்...

அவளின் சமையலறை சங்கீதத்தில்,

மெல்லிய சோகம் ஒன்று

இழைந்தோடி கொண்டே இருக்கும்..

அவள் பாடாத

மொட்டை மாடி இரவுகளும்..,

வெள்ளை நிலவும்,

எனக்கு பிடிக்கவில்லை..

அவள் ரசித்த

இளையராஜா பாடல்கள் எல்லாம்...,

எனக்கு பிடித்த

ரஹ்மான் பாடல்களாய் ஒலிக்கின்றன..

அவள் படித்த

பொன்னியின் செல்வனும்,

கருவாச்சி காவியமும்,

ஒரு மூலையில்

சீண்டுவோர் யாருமின்றி கிடக்கிறது

அவள் நினைவுகளை போலவே...

ஒரு விடுமுறை தினத்தில்

கணவனுடன் மீண்டும் வந்தாள்...

இன்றும் அவள் கண்களில்

அப்படியே தேங்கி நிற்கும் சோகமும்,

அது புதைத்து வைத்த ரகசியங்களும்...,

எனக்கு புரியவில்லை...